2026-жылдын 5-мартында академик К. Карасаев атындагы Бишкек мамлекеттик университетинде «Мектептик билим берүүнүн 12 жылдык системасына өтүү: заманбап ыкмалар жана өнүгүү перспективалары» аттуу эксперттик семинар-тренинг өткөрүлдү.
Иш-чара Кыргыз Республикасынын билим берүү системасын модернизациялоо боюнча мамлекеттик саясатты ишке ашыруунун жана мектептик билим берүүнүн 12 жылдык моделин киргизүүнүн алкагында уюштурулду.
Мероприятие прошло в рамках реализации государственной политики модернизации системы образования Кыргызской Республики и внедрения 12-летней модели школьного обучения.
Семинарга билим берүү тармагындагы мамлекеттик органдардын өкүлдөрү, билим берүү реформалары боюнча улуттук эксперттер, тиешелүү департаменттердин жетекчилери, илимий жана академиялык коомчулуктун өкүлдөрү, ошондой эле педагогикалык жогорку окуу жайлардын окутуучулары катышты.
Иш-чарага төмөнкү мекемелердин адистери жана эксперттери катышты:
- Кыргыз Республикасынын Билим берүү жана илим министрлиги;
- билим берүүнүн сапатын мониторингдөө, лицензиялоо жана аккредитациялоо департаменттери;
- Педагогикалык кызматкерлердин квалификациясын жогорулатуу жана кайра даярдоо республикалык институту;
- мектептик билим берүүнү реформалоо боюнча улуттук долбоорлор;
- өлкөнүн алдыңкы жогорку окуу жайлары.
Талкуунун негизги темасы 12 жылдык билим берүү системасына өтүү шартында билим берүү системасын трансформациялоонун негизги багыттары болду.
Эксперттер төмөнкү маселелерди карап чыгышты:
- 12 жылдык билим берүүнүн концептуалдык негиздери жана философиясы;
- мамлекеттик билим берүү стандарттарын жаңылоо;
- орто жана жогорку педагогикалык билим берүүнүн стандарттарын шайкеш келтирүү;
- педагогикалык кадрларды даярдоонун эл аралык тажрыйбасы;
- билим берүү реформасын ишке ашырууда мугалимдин ролу.
Өзгөчө көңүл педагогикалык кадрларды даярдоо системасын трансформациялоого бурулду. Анткени мектептик билим берүүнүн жаңы моделине өтүү келечектеги мугалимдердин билим берүү программаларын, окутуу ыкмаларын жана кесиптик компетенцияларын жаңылоону талап кылат.
Семинар БМУда Бишкек шаарындагы катышуучулар үчүн оффлайн форматта, ал эми аймактардан келген өкүлдөр үчүн онлайн байланыш аркылуу өткөрүлдү. Бул ар кандай билим берүү уюмдарынан адистер менен эксперттердин кеңири катышуусун камсыз кылды.
Өткөрүлгөн иш-чара билим берүү системасын реформалоонун негизги багыттарын кесиптик деңгээлде талкуулоого жана Кыргыз Республикасынын мектептик билим берүүнүн 12 жылдык системасына өтүү шартында мамлекеттик органдардын, илимий коомчулуктун жана билим берүү уюмдарынын өз ара кызматташуусун координациялоого багытталган эксперттик аянтча болду.
